Ang Labong Love ni Mama

Hello po Caris,

Share ko lang po sana experience ko sa “ANG LABONG LOVE” ni mama.. Love ko po ang mama ko at blessed naman po ako sa kanya. Siya ay responsable at mabait din naman po siya. Isang OFW po ang papa ko na siyang tumataguyod saming magkakapatid — lima po kami, apat yung babae, at ako po yung nag-iisang bunsong lalaki.

Kaya nasabi ko po na “ANG LABONG LOVE” ni mama kasi minsan., hindi ko po siya maintindihan pag pinapagalitan ako. Hindi na nga lang ako umiimik pag nagsesermon na siya na halos halos abutin na nga ng isang oras. Nakakalito po pag tinatanong niya ako ng pagalit.. “SUMAGOT KA, KINAKAUSAP KITA!” tapos syempre sasagot naman ako kasi tinatanong nga ako.. “MA , hindi naman po kasi…” tapos bigla nalang akong papaluin ng panghampas (weapon of choice kadalasan ni mama ay ang lumang walis sa bahay) sabay sabi “ABA’Y SUMASAGOT-SAGOT KA NG BATA KA” napakalabo talaga ng aking nanay.

May isang pangyayari nga po na inabot ako ng gabi dahil sa aking kakaresearch sa computer shop kasama ang mga classmate ko para sa group project namin. Dahil sa sobrang focus ko na matapos yung ginagawa namin, hindi ko po namalayan na alas nuebe na pala ng gabi. Nang aking chineck yung cp ko, nakita ko nalang na merong 20 missed calls ng mama ko. Binalot ng nerbyos at taranta ang aking buong katawan na halos maging dahilan para akoy mahimatay sa sobrang takot. Kasi kahit 18 na po ako, parang elementary parin yung trato sakin ng mama ko.

Ito po nangyari nung nakauwi na ako. Patay na po yung mga ilaw sa bahay nung dumating ako. Nagmukha akong magnanakaw sa sarili kong bahay sa kakayoko at kakatago kay mama nang biglang bumukas nalang ilaw sabay tama sakin ng lumilipad na tsinelas na galing sa aking magaling kong ina at biglang pasigaw na nagtanong, “AT BAKIT NGAYON KA LANG?” kinakaladkad ako na parang baboy papuntang kusina “PAANO KUNG NAPAG TRIPAN KA SA LABAS? Sabay kurot sa bewang “PAANO KUNG BINUGBOG KA LABAS NG MGA ADIK?” sabay palo sa paa ko, gamit yung pares ng tsinelas na binato niya sakin “PAANO KUNG SINAKTAN KA NILA? at  bigla nalang siyang tatahimik at palambing na magtatanong.. “Kumain ka na ba? May kanin pa dun sa mesa at may manok pa sa ref” Haaaayyy naku ! Ang labo talaga ni mama, ayaw niyang nasasaktan ako pero siya naman palo ng palo sakin. Pero kahit na ganun, siya parin ang pinakamalambing na mama ko sa buong mundo. I’m sorry ma kung di kita minsan maintindihan at sa pagiging pasaway ko, pero mahal po kita. At ito po ang experience ko sa “ANG LABONG LOVE” ni mama.

Submitted by: Bibi boy 
Arranged by: Emmanuel Pesado 

Advertisements

1 Message Received

Alas-onse y meja na ng gabi. Rinig na rinig ko ang tunog ng bawat butil ng ulan sa bubungan na parang martilyo ng mga karpintero habang pumupukpok ng pako sa katabing bahay. Medyo inaantok na rin ako dala ng sunud-sunod na pagpupuyat dahil patapos na ang sem. Maya-maya’y naisipan kong makinig sa aking playlist para hindi makatulog. Di nagtagal ay tinamad na talaga ako, kaya nama’y unti-unti kong tinangkang isara ang aking mga mata, at nang halos nag-uumpisa na akong managinip, may kung anong nag-vibrate sa bandang ulunan ko. Cellphone ko pala. Habang inaabot ko ito’y hinihiling ko na sana nagtext siya ng “good night”, kahit sa GM man lang. Ganun ako kababaw. Pero sapat na ‘yon para makatulog ako ng mahimbing.

Mag-aapat na buwan na rin mula nang inamin ko ang nararamdaman ko para sa kanya. Hanggang ngayon hindi ko pa rin masabi kung maganda ba ang resulta ng ginawa ko. Hindi ko alam kung napalapit ba ako sa kanya o lalong napalayo. Pero kuntento na ako kung ano kami ngayon.

Mga dalawang linggo pagkatapos ng “aking pag-amin”, hiningi ko yung cellphone number niya. Pakapalan na ’yon ng mukha. Desperado na akong mas lalo siyang makilala. Siya nga pala, siya ang bestfriend ng close friend ko. Hindi ko alam kung anong nagustuhan ko sa kanya, pero kung ibabalik yung unang pagkakataon na nakilala ko siya, sasabihin kong siguro, mapang-akit lang talaga yung kakaiba niyang mga mata. Sabi pa ni Bruno Mars, “Her eyes, her eyes, make the stars look like they’re not shining”.

Alam niyo ba iyong hindi niyo alam na ‘yun na pala ‘yon? Siya kasi yung first crush ko sa college. At isang taon muna ang lumipas bago ko marealize na gusto ko pala talaga siya. Malas nalang niya, siya ang nakita ko. Over-reacting kasi akong tao. Masyadong madrama. Pero ang nakakatuwa doon, sa tuwing magdadrama ako, napipigilan niya. Nagmumukha tuloy akong sunud-sunuran na parang aso. Pero okay na rin. At least hindi ako nagiging malungkot.

Sa sobrang bait ko sa kanya, idinadownload ko siya ng mga movie minsan kapag may internet ako. Pagkatapos nun magmimeet kami para magpacopy. May time noon na hinintay ko siyang matapos yung klase nila. Mga ilang oras din ang nagdaan, habang naka-indian sit sa hallway, nakita ko siyang kasama yung isa niyang kaibigan na naglalakad papalapit. Grabe ang bilis ng kalabog ng dibdib ko nung mga oras na yun. Pero bigla nalang bumalik sa normal nung makita kong nilagpasan nila ako. Akala ko pupuntahan niya ako. Idinaan ko nalang sa pagpefacebook ang pagkabroken-hearted ko. Halos tutok na tutok ang mukha ko sa screen ng laptop ko, nang biglang may parang familiar na figure ng papalapit sa akin ang nagpatigil sa tibok ng puso ko; lumingon ako at nakita ko siya. Bumalik siya para sa’kin. Sa sobrang taranta, lumingon ako sa likuran para siguraduhing ako nga ang hinahanap niya. Ang awkward talaga.

“Steve, pacopy ako ng movies..”. Narinig ko siya pero hindi ako tumitingin. Hindi ko kaya. Ni hindi ko kayang mag-utter ng kahit anong salita. Isinalaksak ko yung flashdrive para magcopy ng file, sinafely remove, tapos diretsong ibinigay sa kanya. Aalis na sana siya nang mukhang tanga akong nagtanong, “Uuwi ka na?”. “Yeah, uuwi na ako. Salamat.” “Sige” – yan lang ang tanging nasabi ko. Kahit na sa utak ko, “HINTAYIN MO AKO. IHAHATID NA KITA.”. Napaka-slow ko na, ang weak pa. Hinintay ko siyang makalayo ng konti at dali-dali akong nag-ayos para masundan siya. Pero paglabas ko ng gate, wala na siya. Malayo na.

Sa loob ng apat na buwan marami-rami na rin ang mga nangyari. Doon ko rin napagtanto na mataas talaga ang self-confidence niya. Palagi niyang sinasabing cute siya. At nung tinanong ko kung bakit para mapatunayan niya, speechless ako nung sinabi na niyang, “kasi crush mo ako :P”. Simula noon palagi ko na siyang kinukulit tungkol diyan. Hanggang sa umabot sa “Ang ganda ng moon. Parang ikaw lang.”. Ang corny corny talaga pakinggan pero para sa akin, masaya na ako.

Di ko malilimutan yung moment na nakita ko siya kung paano matakot sa mga nakakatakot na bagay na para sa akin, hindi naman talaga. Tuwang-tuwa ako habang tinatakpan niya ang mga tenga niya para di niya marinig yung sounds. Hindi ako sigurado kung ako nga ba ang dahilan pero may gabi noon na tinatakot ko siya sa text, at hindi na siya nakatulog nang dahil doon.

Naabot ko rin ang cellphone ko na kanina ko pang kinakapa nang nakapikit. Medyo nayamot ako nang malaman kong hindi siya ang nagtext pero yung close friend ko. Sa hindi kapanipaniwalang pagkakataon, bigla akong nawalan ng hininga nang mabasa ko yung text niya: “Steve, patay na si Jenny. Sinaksak ng holdaper habang pauwi. Andito kami ngayon sa morgue ng St. Paul’s. Baka gusto mong pumunta. Textback please..”.

Patay na si Jenny. Patay na yung kaisa-isang taong kinahuhumalingan ko. Wala na. Dahil sa kapusukan ng aking pagkatao, at dahil na rin sa ito ang henerasyon kung saan ang crush ay parang love na rin, dali-dali kong kinuha ang matalim kong cutter sa aking cabinet, at hindi nagdalawang isip na laslasin ang pulso sa aking leeg. Alam ko kasing sigurado ang pagkamatay kung ganoon.

Alas-dose ng hatinggabi. Tumila na ang ulan. Pero dinig ko ang pagpatak ng aking dugo sa sahig.

Isinulat ni: Philip Gaje
Photo Credit: shemazing.net